فاسقِ مُعلن کوکوئی دِینی منصب دینا،مسلمانوں سے خیانت کرناہے
مـسـئلـہ: ۸۵۰
نوٹ:اس سوال کااستفتادستیاب نہ ہوسکا۔
الجوابـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
(۲)برتقدیرِ صدقِ سوال، وہ شخص کسی منصب کے لائق نہیں کہ فاسقِ مُعلن ہے اور اسے کوئی منصبِ دِینی دینا، اللہ و رسول جل و علا و صلی اللہ تعالیٰ علیہ وسلم اور مسلمانوں سے خیانت کرناہے، حدیث میں ہے:
’’من استعمل رجلا من عصابۃ وفیہم من ہو ارضی للّٰہ منہ فقد خان اللّٰہ ورسولہ والمؤمنین‘‘
’’جو کسی عمل پر کسی جماعت سے ایسے شخص کو مقرر کرے جس سے دوسرا اللہ کو زیادہ پسند ہو تو اس نے اللہ عزّوجلّ اور اس کے رسول صلی اللہ تعالیٰ علیہ وآلہ وسلم اور مسلمانوں سے خیانت کی‘‘۔
[کنز العمال، فصل الثانی فی الترہیب عن الامارۃ، ج۶، ص۱۱، حدیث نمبر :۱۴۶۸۷، دارالکتب العلمیۃ بیروت۔جامع الاحادیث للسیوطی،حرف المیم، حدیث نمبر: ۴۵۶۹۴]
واللّٰہ تعالٰی اعلم
فقیر محمد اختر رضا خاں ازہری قادری غفرلہٗ،شب ۳۰؍ربیع الآخر ۱۴۰۴ھ
-----
0 تبصرے